KJTP-HARII FORSA UNIDADE POPULAR HUSI BAZE HODI SENTI NIA SABOR.

Klibur Juventude Tane Povu KJTP, hanesan organijasaun ida ne’ebe hamrik iha komunidade aldeia Ira-Ara nia le’et, ho objetivu prinsipal ida hakrak sai instrumentu povu nian nu’udar forsa defeza povu nian hodi lori povu ba partisipa politika hodi komprende dezenvolvimentu ekonomiku iha nivel baziku to’o nivel nasional, akompaiña mos prosesu dezenvolvimentu no konduz povu ba adkire igualitariamente benefisiu husi dezenvolvimentu.

Objetivu ida ne’e Klibur Juventude Tane Povu hakarak sai duni instrument lolos povu nian hodi konsolida nafatin povu no lori aspirasaun povu kiik sira nian ba iha konkretizasaun moris justu no prosperidade nia laran.

Bazeia ba moris justu no prosperidade povu nian hakarak harii unidade forsa popular ida hodi organija nafatin, liu husi aprosimasaun teoriku fundamental no diskusaun problema espesifiku povu nian ne’ebe durante ne’e povu infrenta iha nia moris tomak .

Oinsa harii forsa popular ? harii forsa popular ida hodi kontinua organija no konsolida malu nafatin hodi luta ba moris diak povu nian, liu husi diskusaun,debate,formasaun entre juventude no inan aman sira hotu, no husi parte hirak ne’e mak hamosu konkordansia espesifiku ida hodi foti tematiku esensial ida ne’ebe relasiona ho Unidade paz no Dame nian, maka sai hanesan problema fundamental no baziku husi baze nian hodi luta ba paz no dame ho kondisaun ekonomia-politika. Atu senti realizasaun hira ne’e nia sabor ou nia gostu maka hahu husi servisu koletivu ida ne’ebe bazeia ba ekonomia-politka laos aktividade festeza no animasaun.

Luta ba paz no dame nia importansia mak forsa unidade ne’e rasik, utiliza hanesan instrumentu povu nian, tuir karakteristika humanismu nian ne’ebe reprodus nafatin  karakteristika humanismu ida ne’ebe relevante ho kondisaun povu nian.

Bazeia ba observasaun jeral ne’ebe durante ita akompaiña, katak juventude, inan,aman no estudante sira sempre preokupa kona ba unidade no hamosu duvidas ida katak, oinsa mak bele iha unidade ?, senti iha laran presija los unidade paz no dame, maibe iha nia pratika, moralmente la tuir nia hanoin ou ita bele dehan kontradisaun entre hanoin no karakter siginfika (inosente),tamba ibun kualia unidade maibe nunka simu ema nia ideias, hodi analiza tuir prinsipiu pesoal ida ne’ebe justu, kualia unidade maibe la honestidade ba ema, hare deit nia kolega, bainhira nia kolega halo erus ruma, kualia unidade maibe nia kolega halo problema nunka ba hakbesik nia hodi fo hanoin no ajuda fo hanoin diak ruma liu husi aprosimasaun,komunikasaun no diskusaun bebeik ho nia atu nune’e bele halo mudansa ba nia an tuir buat ida ne’ebe los.

Espesifikamente ba juventude, no foinsa’e feto mane ne’ebe sempre hateten no tau duvidas hakarak paz no unidade maibe iha pratika laiha, tamba saida ?, tamba husi sira nia ibun hakarak atu hari paz no unidade maibe iha aktividade sira ne’ebe mak iha nunka mais hatudu, no laos la hatudu totalmente maibe iha parte espesifiku kona ba unidade nian mak ladun hatudu tamba :

a)    Hakarak paz no unidade maibe iha servisu ruma hare malu deit lakoi ajuda ba malu ou koopera malu hodi servisu hamutuk.

b)    Hakarak paz no unidade maibe la hatudu karakter  ne’ebe  diak ba nia povu.

c)    Hakarak paz no unidade maibe entre inan,aman,juventude la fiar malu, no sempre viola ukunfuan sanulu Nai-Maromak nian.

d)  Hakarak  unidade maibe lakoi simu vizinu sira, hodi ba partisipa sira nia aktividade eventual ruma.

e)  Hakrak unidade maibe hadook an husi nia maluk sira ne’ebe ba mete organizasaun violentus no illegal sira ne’ebe iha.

f)    Hakarak unidade maibe iha festa laran, separa feto ho mane sira no fo prioridade deit ba mane ou feto husi grupu balun deit no diskrimina kolegas balun husi sukus seluk no konsidera ida ne’e hanesan diskriminasaun no rasial.

g)  Hakarak unidade no paz maibe kontinua hamosu egoismu ,individualismu ,define ema nia kores oi-oin.

Husi hanoin no karakter hirak ne’e mak sai hanesan faktores esensias ida ne’ebe importante ba ita hotu atu tau iha pratika, tamba konsidera ida ne’e mak fukun balun husi karakteristika ema nian hodi minimize no muda sestia,prinsipiu fundamental sira kona ba paz no dame iha ita nia le’et. Waihira ? ita senti paz no dame iha ita nia le’et, no hakrak senti nia sabor no nia gostu mak husu ba ita hotu atu  moris hamutuk nafatin ho povu, tantu husi klase inferior no superior, nafatin hamutuk ho sira dada lia ho sira diskusaun ho sira hodi koalia kona ba problema hirak ne’ebe durante ne’e sira infrenta no koko atu deskobre sira nia problema realidade hodi organiza no konsolida no konjunta forsa popular ida hodi luta kontra esplorasaun husi ema ba ema, ka harahun sistema esplorasaun no esploitasaun.

Viva povu Maubere !

Viva aldeia Ira-ara !